പ്രിയ ചിത്രകാരാ ,,,
നീ,നിന്റെ കര്‍ത്തവ്യം തുടരു ,
മുഴുമിക്കാത്ത ചിത്രങ്ങള്‍ക്ക്--
പുതിയ നിറക്കൂട്ടുകള്‍ ചേര്ക്കു
പുതിയ ഭാവം പകരൂ ;
ക്യാന്‍വാസില്‍ പൂര്‍ത്തിയാക്കാത്ത
മുഖം ഒരു സ്ത്രീയുടെതാണോ ?
ആണെങ്കിലവളുടെ മാംസളമായ
കവിളുകള്‍ക്ക്,
പ്രശാന്തിയുടെ ഇളം ചുവപ്പോ അതോ
രൗദ്രതയുടെ കടും ചുവപ്പോ?
അവള്‍ടെ വിടര്‍ന്ന
കണ്ണുകള്‍ക്ക്‌
പ്രതീക്ഷാഭാവമോ അതോ
പ്രതികാര ജ്വാലയോ?
അവളുടെ ചുവന്നു തുടുത്ത ചുണ്ടില്‍
വശ്യതയുടെ പുഞ്ചിരിയോ അതോ
വഞ്ചനയുടെതോ ?
അവളുടെ പട്ടുപോലുള്ള
തലമുടിയില്‍
ആരോഗ്യത്തിന്റെ തള്ളിച്ചയോ അതോ
വറുതിയുടെ പാറിപ്പറക്കലോ ?
ഇത്തരം ഭാവങ്ങളാണോ
നീ നിന്റെ ചിത്രങ്ങള്‍ക്ക് നല്‍കുന്നത്?
എങ്കില്‍,
പ്രീയ ചിത്രകാര...
നീ നിന്റെ കര്‍മ്മം മതിയാക്കൂ മതിയാക്കൂ .
